Hidet! Ky frut interesant me origjinë nga Kina e
largët ka mbi 4.000 vjet që kultivohet në të gjithë botën me më shumë se 400
varietete.
Në fjalorin e gjuhës shqipe ky frut quhet hide,
ndërsa në gjuhën e përditshme popullore i referohemi me ide, në jug të vendit
xinxife kurse shkodranët dhe kryesisht pjesa e veriut e quan kimça.
Por shumë pak e dinë, por hidet përmbajnë magnez,
potas, kalcium, manganez, fosfor dhe hekur. Ato përmbajnë 20 herë më shumë ....
vitaminë C se çdo agrum tjetër, që forcon sistemin
imunitar dhe lufton infeksionet duke u përdorur si ilaç mjekësor për mijëra
vjet në shumë kultura në botë në formën e çajit për shembull, për të qetësuar
fytin.
Ekstraktet e ides janë përdorur edhe në produktet e
kujdesit të lëkurës për të zvogëluar rrudhat, hidratimin e lëkurës së thatë,
dhe për të trajtuar dhimbjet e djegies nga dielli.
Shkencëtarët kanë identifikuar tetë flavanole tek
fruti i hides, të cilat kanë aftësi qetësuese. Farat janë përdorur për të
trajtuar pagjumësinë në mjekësinë tradicionale kineze.
Ide, hide, xinxife , apo kimça, e rëndësishme është
që po flasim për të njëjtin frut, i cili eshte nje frut i stines dhe duhet
konsumuar.